شعر بدوي في جمال البنت البدوية
قالت ترى منت بحلو قلت رجـال
والزين ماهو من شروط الرجولة
الزين يلقى عنـد لباسـه الشـال
والرجل زين ان كان زانت فعوله
قالت علامك تلبس شماغ وعقـال
انت بدوي؟ قلت بدوي ومن حموله
ما ألبس بناطيل لها الوان واشكال
وامتر الشارع بعرضه وطوله
قالت اجل راعـي معاميـل ودلال
شرب القهاوي تحسبونـه بطولـه
كيفي يابنت الحضر دله وفنجـال
وحليب خلفـه بالمـراح معقوله
وحب الكرم والجود وعلوم الابطال
مغروس فينا من زمـان الطفولة
قالت ترى بنت البدو حظها مـال
قلت احذري حذرا تكوني جهولـه
بنت البدو يابنت مضرب للأمثال
فوق الجمال وطاعـة الله خجولـة
ماحطة اصباغ ولا حطت ظـلال
ولا سيرة بالسوق سيـر مهبولة
هي مهرة تصعب على كل خيـال
وانت ومثلك عسفهـن بالسهولة
قالت تغزل بي وشف حبة الخـال
ناظر عيوني والرموش الكسولة
قلت العفو مايجتمع حـب وهبـال
ولكـل ذوق المزاييـن جـولـة
قلتي وقلت وكلمة الصـدق تنقـال
الزين ماهو من شروط الرجولة
شعر بدوي حزين
أدري مقصر وياك
وأدرى ما تدرين أسباب تقصيري
لو دام حبك وعلاقتنا
أنا لغيرتك وانتى لغيرى
لازم نقوى على الفراق
حتى لو كان بعدك تدميرى
عجزت لا ادبر ظروف تحدتنا
ما قام حظى ولا فادت تدابيري
ولو ان قربك خطأ يا بيض رايتنا
يزيد قدرك غلا من زود تقديرى
يا غايتى يوم تنهينا نهايتنا
تعالى اخذى من اوجاعى تعبيرى
انا وشعرى وصلنا فوق طاقتنا
احزن وحزنى يحبونة جماهيرى
واليوم لدفن بقايا حى ميتنا
ما عاد تحيى معاذيرك معاذيرى
بعيش فى سكت الذكرى بدايتنا
واسير لأحلامنا وانتى بعد سيري
ما بقيت ابغى سؤالك عنى اليوم وما اريدة
ما ريد قلبك دام هذى خطاويك
عفت الهوى من بعد ما شفت دنياه
عفت الليالى كلها فى تجافيك
ببكى ندم بعد فرقاة
واكتب قصيدة الحزن بفراقة
يصعب على قلبى ينساه
اريده ولكن عزة نفسى تقول مابيك
ضيعت بايديك قلب حالف ما يخليك
والحين مابى يمرنى طيف ذكراه
حبى رفعك ولازم اه يوطيك
يا حلو الايام لو ترجع على كيفـــــــي
ما كان قلبي شكى فرقا مواليفـــــــــه
كانوا بقربي ولا يحتاجوا تكليفـــــــــي
واليوم راحوا ودمعي صعب توقيفــــه
من عقب الاحباب مكسورة مجاديفــي
غرقان والموج يلعب بي على كيفــــه
اعرف انى طريقى صعب
و لكن فراقك اصعب
حتى رجوعي اصبح صبح
ما عندي حلول ولكن بقول
انسى السهر والحزن والقهر
وانسينى
عيشى حياتك كلها بدونى
حلوها ومرها يمكن تلاقى حبيب غيرى
يصير لجروحك طبيب
وترجع فرحتك يوم من تانى
وتنسى الحب وتنساني
وتترك ديرة احزاني
وفى ليالى الصيف
تمر جنبي كأنك ضيف
و اشوف بعيونك الفرحة
مع حبيب تانى
عطني لقا حتى و لو بين الأحلام
ما هو ضروري نلتقي بالحقيقة شوف القناعة كيف حتى بالأوهام
مصيبة المشتـاق نفـسه رقيـقة كل حاجه منتهاها للنصيب
القدر يا ياصلك ، يا تاصله
ان كتبها الله تجي لك من قريب
وإن منعها الله فلا هي حاصله
الصمت يكفي ويشفي صدر راعيه
لا صار كل الحكي ماله معاني
والقلب ما عاد تعنيه المشا ريه
و العين ماعاد تغريها الاماني
ياليت حزني مجرد دمع وابكيه
ما هوب عايش معي بين المحاني
ما هوب يظهر علي واحاول اخفيه
و تصير نظرات حزني هي لساني
مدري ذكرني زمان كنت ناسيه
مدري ذكرت الزمان الي نساني
الغنى والفقر حاجه بيد رب العالمين..
مؤمن بهذي العباره.. بس ما انتي مؤمنه
أدري ان المال لبّى كل شيٍ ترغبين..
إلا انا واحد من الرغبات غير الممكنه
كان فيني عيب ..قلي فيك العيب الفلاني
كان هرجي مزعلك في شي ..قلي لاتعيده
جيت مابيك تحقرني ..جيت أبيك تعز شأني
جيت آبي فزعة ضلوعك من مشاعرك الفقيده
يعلم الله شفت منك ومن غيابك ماكفاني
كان ماتقدرتخف هم قلبي..لاتزيده.
سهيت لحظه وقمت ابحث بجوالي
اقرا الرسايل وامسح مابقى منها
لقيت ذكرى رساله والرقم غالي
مكتوب فيها اذا انا مت فامسحها
فكرت فيك ولقيتك عايش وسالي
وماظن ياصاحبي في يوم تذكرها
الموت عندي يساوي غيابك الحالي
والحين بستئذنك يازين وامسحها
سافر وخل أحزان عمري تخاويك..
يمكن معك تلقى حلول لضياعي..
حاولت أشوه صورتك..يوم أخليك..
لقيتك أصدق من بكى في وداعي..!!
هم يحسبون المسأله كلها سلك
اذا انقطع تقطع معاه المسالك
ولا دروا اني بالاحساس ابادلك
مو شرط اشوفك واسألك كيف حالك
احس بك لو كنت ماني مقابلك
وتحس بي لو كنت ماني قبالك
دايم وفكري في حراوي منازلك
ان جا مجالك ولا ما جا مجالك
تدري وش الي بس يقطع تواصلك؟
الموت بس الموت يقطع وصالك؟؟
شعر عتاب
أحــبــك وأعــاتـبك وأقـــولــها علـى المــــــلا
مــا غيــرك سـكن قــلبي وروحـي وإحســـاسي
وفــيـت لــــك وتـــركــت وســــواس الـهــــــوى
وعــطيـتـك حــبي وتـقــديــري وإخــلاصـــــــي
وآخــرتـــها تجـــرح قـلبــي وصــار الحــب بلــى
وأنــا اللــي أظـن مـلكت روحـك وأثرها أمـــاني…
وأرجــع وأقــــــول لـك صـــافي الـحب والغـــلا
مابيني وبينك مـشاريـه وعـتـاب
شف دربك اللي جيـت منه تدله
مـا راح تـغـلـبـنـي لو الحب غلاب
من حـضـرتك عشان قلبي تذله
كـنـت الـقـريب وكـلـهـم أغـراب
حتى القمر لاغاب شفتك محله
رح واعتبرنـي واحـد أذنب وتاب
مـانـي بثوب تلبسه ثـم تـمـلـه
لاتكثر بحكيك ترى دربك اشواك
ياحفي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لايفلت إلسانك على شخص رباك
انا بنيتك وماني عاجز اهدمك
لو الزمن مره يجينى على الكيف
مقدار ما يفهم لبيب الا شاره
بشرت غلطا تى بحسن التصاريف
واخذت من نفسي لنفسي بشاره
وش يحرج الرجال غير المو اقيف
اللي تنزل هيبته واعتباره
والله لو تعرض رقبتى على السيف
أهون علي من الندم والخساره
طال البعاد ولع القلب فرقاك
ومن غيبتك صاب المولع مضره
اسهر طوال الليل واعيد
واراجع الماضي وبالقلب حره
يذكر زمان فات بالخير وياك
الله يعيده لو بالايام مرره
طبعك تغير ومالقينا له أسباب
ولاني مقصر فيك ولاني بحافي
كنك على فرقاي تفتح لي باب
اقسى علي وماجرى منك كافي
أجمل شعر بدوي
ياغايب عني لك الحب ماغاب
- مته تجي تشوف همي بعينك
ماطاب لي جرح ولا خاطري طاب
- مته يديني تحتضنها يدينك
ياصاحبي لو قالو الوقت كذاب
- يكفي كلامك ودافي حنينك
لو ان قصدي في الزمن كثر الاحباب
- ماقلت ياساكن الروح وينك
مايصير انساك لا مايصير
- في خفوقي لك محبه واحترام
قبلك الدنيا مثل حلم صغير
- وعقبك الدنيا غرام في غرام
انت مثل النور في عين الضرير
- لا لمحتك مابقى حولي ظلام
فيك عمري فيك روحي والمصير
- فيك كل ايام عمري والسلام
...
يست من رجـواك يانـاسي الحب
لو بك رجا ماضاع عمري وأنا أرجيك
أربع سنين أرجيك وأشكي لك القلب
أشكي جـروحه منك ربي يجازيـك
تشوفـني يـازين في عـابر الدرب
وتصـد عني كـن غـيري يناديك
أعطيك قلبي وانت تعـلن لي الحرب
نفسك كبيرة ماتبي من يداريــك
تجرحني بصدك وهجـرك بلا ذنب
إلا أن قلبي ياهـوى النفس يغليـك
