اجمل ابيات بن فطيس

اجمل ابيات بن فطيس

الشاعر بن فطيس

محمد بن فطيس المري ولد عام 1975م، وتأثر بوالده الشاعر حمد المري؛ إلا أنه اتخذ طريقًا مختلفًا عنه، كما أنّ لديه منهاجًا مستقلًا، وهو من أشهر شعراء الخليج، وقد اشتهر عبر برنامج "شاعر المليون" عام 2007 وفاز باللقب، ثم شارك في أمسيات فبراير بالكويت عام 2009 وأمسيات ملتقى الشعر النبطي في دبي في عامي 2009 و2010، ويتميز بأسلوبه في كتابة القصيدة، فضلًا عن الحفاظ على لجهته دون تصنّع، كما أنه يمتلك أفكارًا متجددةً، ويمتلك القدرة على توظيف التشبيهات في النص، وتميَّز بالقصائد ذات الطابع الديني، وقصائد الحكمة والغزل، ومن هواياته رعاية الجمال، والفروسية والصقور، والمشاركة في أية فعاليات خاصة بها[١].


أجمل أبيات محمد بن فطيس

نعرض فيما يلي أجمل القصائد الشعريّة للشاعر محمد بن فطيس


قصيدة سولفوا

ويقول فيها[٢]:

سولفوا تكفون لا عاد تسكتون

قبل لا أهوجس وياتيني بلاي

السكات يزود طعوني طعون

وتنكسر لا جا على راسي عصاي

سولفوا لو ما بغيتوا اتسولفون

قبل لا اقعد في الحزن رايح.. وجاي

واضحكوا لو بالعمالة تضحكون

وجاملوني لو يضايقكم حكاي

لي وليفٍ راح جعله ما يهون

هو دواي وداي.. أو داي ودواي

راح لكن طيف زوله في العيون

مرةٍ قدامي ومرة وراي

وإن سكتوا جا وهو طيفه يمون

رحت أهوجس له وأبين له ولاي

مكسب عيوني من الفرقا مزون

تمطر لطاريه.. والبرق؟ أصدقاي

كل ما طروه لو هم يمزحون

احرموني من غداي ومن عشاي

أدري إنه ما تناسى الود كون

تسمع إذنه في قفاي اللسن عداي

وكانهم قالوا نسيته يكذبون

وإلا أنا فيه أمتلك نظرة وراي

كان حبه لي على خبري مصون

والله ان كني بقدري.. وبغلاي

ذي بقايا الحب وأطلال الجنون

والله أعلم في ضميره وش بقاي

غير طيعوني ولا عاد تسكتون

ولا والله إن أسمعكم بكاي


قصيدة شطر حفظته

ويقول فيها[٣]:

مانيب من ياتي ولا يدري به

شطرٍ حفظته ما أعرف كتابه

شطرٍ يناسبني لمثل الليله

واشوفني في ذا المكان أولى به

أبتكل بالله ونعمٍ بالله

اللي ما يوصد دون خلقه بابه

بقول واللجنه تقيم قولي

ومن كثرة الشعار ماني آبه

الحمد لله واثقٍ من روحي

وإن كنت ذيب فالرجال ذيابه

ما أقول أنا أشعر واحدٍ في العالم

لكن قصيدي كفو وأنا أدرابه

الشعر جمعنا لو تفرقنا

حدودنا وظروفنا الغلابة

الله يبيض وجه راعي الفكرة

عز الله انها تنحسب لحسابه

والله يبيض وجه من يرعاها

محمد الله يحفظه لأحبابه

محمد ولد زايد عريب المجنى

ولي عهد الديرة الخلابة

الشعر تاريخٍ لنا من مبطي

وإعلامنا يوم السنين نهابه

الشعر بيتٍ والوزن عمدانه

معناه طنب وقافيته حجابه

الشعر وادٍ فيه صيد واجد

وكلٍ على الوادي يهج ركابه

والأفكار صيد وكل شاعر قانص

وكلٍ يدسم شاربه مخلابه

أحد خياله حر.. وأحد وكري

وأحدٍ خياله كوبجٍ بقطابه

وأنا خيالي كل ما هديته

حول على الوادي وصاد عقابه

شاركت أمثل ديرتي وربوعي

وكل يمثل ديرته وأقرابه

والله إلا الله راد والله قاله

إني لا أسلمها الفخر وكتابه

داري قطر.. وأنا هنا أمثلها

المجد مطلوبي وأنا طلابه

عهدٍ علي إني لا أشرف داري

ترك صبي ما يعز ترابه

شوفوا دمي من حبها عنابي

وحماستي من ضوها شبابه

شاعر خليجي والعروبة بيتي

والبيت ما ياقف بدون أطنابه

وإن عودت بين القبايل فزعه

أنا أشهد إني في اللوازم لابه

لي في القبايل ربع.. وأقدرهم

ماني بمن يجهل مقام أصحابه

وإن عودت لأصلي.. فأنا أصلي مري

من صلب يام أهل القنا وخضابه

قومٍ لنا فوق المعالي بيرق

والسيف قوة سلته بانصابه

الشعر طوقني وأنا طوقته

قمت آتمشابه وأفك أبوابه

يا بنت ياللي تفرقين بعودش

ما ألومهم لا كثروا الخطابه

لامر بش دربش على خلق الله

قالوا كذا بالأصبع السبابة

زينش يزينه فعل أبيش وجدش

وإنتي بدورش للنقى كسابه

قومي تباهيبي.. وفلي راسش

عليش من ستر الشرف جلبابه

وإن ما سترتش بالفعول وباسمي

فعقبني الفنجال يا صبابة


قصيدة في كفها خاتم وفي خدها خال

ويقول فيها[٤]:

في كفها خاتم وفي خدها خال

وفي عينها غيم وعمارات وبيوت

الخال شفته واضحٍ من ورى الشال

والخاتم ألماس مرصع بياقوت

والعمر في العشرين كني مانيب زال

والجسم كنه من جبل ثلج منحوت

جبل ولكن لا طرقه الهوى مال

وخطواتها ماهي بالأمتار بالفوت

ماهي تشوف الشمس من ظل الاظلال

ومصيافها ما بين لندن وبيروت

الشمس لو تشرق على جسمها سال

كنها مجسم محلبيه وبسكوت

ومن صغر مبسمها شقى حالها الحال

ما تاكل إلا اللوز والخوخ والتوت

ماهي تشوف الناس تمشي وتختال

ومرٍ على جاكور ومرٍ على حوت

وخدامتين وهي بلا زوج وعيال

وسمعتها تدعي الدريول يياقوت

وثلاث جوالات ما هو جوال

ومن يوم خلقت كل شي بريموت

لكن قلبي مالها فيه مثقال

وش قرب البشت الحساوي من الكوت

يا جعلها للي خذت قلبي نعال

اللي غلاها عندي الشرب والقوت

حوريةٍ من فوقها الليل شلال

كنها صبحٍ فوقها الليل مكتوت

قلبي لها من كثرة الشوق مشخال

وللسر عن كل المخاليق تابوت

تنحت لي من الحب في القلب تمثال

وحبي لها ينحت على الساحة بيوت

في عينها ما كل رجال رجال

وأقصى حدود الوصل في سلمها الصوت

زودٍ على القلب وعلى الحسن من آل

روسٍ على متونها بشووت

اللي رضت موتوا يا أهل روس الأموال

وإلى زعلت جربت وش سكرة الموت

من دونها رجلي وراكب وخيال

والسيف والأمواج والبحر والحوت


قصيدة يا قو قلبك

ويقول فيها[٥]: يا قو قلبك على الصدة ويا صبرك

ويا وسع صدري على صدك ويا صبري

ويا طول عمرك بذاكرتي ويا كبرك

ويا شيب عيني بشيب عاد ذا كبري

والله لون حمل صبري فوقك.. إن تبرك

والله ولو تعتذر منت بعلى خبري

وإن ما جبرك الغلا ما أقدر على جبرك

ياللي على أرض الوفا ما شبرك بشبري

تزعل وترجع وتلقاني على خبرك

وأنا أنكسر لك وأجيك أدوّر لجبري

طيفك وذكراك طيلة غيبتك سبرك

وشوقي لشوفتك طيلة غيبتك سبري

امحق وليف ومحبة والا أقول أبرك

حسبي عليك أعشقك وأنت اتحفر قبري


قصيدة الحب مثل النوم

ويقول فيها[٥]:

الحب مثل النوم.. والوصل.. والأحلام

والشيين من الأحلام صد المحبيين

نوم طويل عمره شهوور وأعوام

وإن قمت.. ففهمها فراق وسهر عين

وأنا رقدت وعمري أربع عشر عام

وصحيت في شهر أربعة عام الألفين

نوم ثقيل كله أحلام وأوهام

ونصيبي من أحلامه الجانب الشين

صحى الفراق اقلوب في عكسة.. نيام

وغاب الفرح وأنا في عكسه إلى اللحين

يا حزن كبدي حزن من ضاق ثم حام

أخذت فروخه مادرى ليه ولوين؟

بعد ما شاف العش عيدان وعظام

خالي.. تفكر فوق ويسار.. ويمين

خلا عشاها فيه ومن الوطى شام

زبن على روحه وفل الجناجين

ويا وجد حالي وجد من نام ثم قام

على صياح أمه وهو دون رجلين

عويق وأمه تنعته والنعت سام

وهو خابر أنه يقسم الصف صفين.


المراجع

  1. "من هو محمد بن فطيس الذي سحبت قطر جنسيته؟"، albayan، اطّلع عليه بتاريخ 1-1-2020. بتصرّف.
  2. "سولفوا"، hawanaajd، اطّلع عليه بتاريخ 1-1-2020. بتصرّف.
  3. "شطر حفظته"، alsh3r، اطّلع عليه بتاريخ 1-1-2020. بتصرّف.
  4. "في كفها خاتم وفي خدها خال"، adab، اطّلع عليه بتاريخ 1-1-2020. بتصرّف.
  5. ^ أ ب "أفضل قصائد الشاعر محمد بن فطيس"، almrsal، اطّلع عليه بتاريخ 1-1-2020. بتصرّف.